CSS hnuaia thawk te chu dik leh mumal taka lak an awm loh avangin dah ngheh theih an ni lo :H. Lalengmawia

#ZabilianZ Apr 15: Chief Secretary mawhphurhna la mektu H. Lalengmawia’n vawiin khan thuthar thehdarhtute kawmin, CSS hnuaia thawk te chu dik leh mumal taka lak an awm loh avangin dah ngheh theih an ni lo niin a sawi.

H. Lalengmawia chuan CSS hnuaia thawk te chu DPC kaltlanga lak ni lo leh induhsakna avanga hna inpek a tam hle nia sawiin, a lak dan mumallo tak avangin seniority list pawh an nei hleitheilo niin a sawi a. NHM leh SSA thawktu zingah mumal taka lak ni lo an tam zual niin a sawi.

CSS regularisation scheme kalpui tura thil tul leh pawimawh tak chu inter seniority a nih thu H. Lalengmawia chuan chuan sawiin, "hei hi tihfel a harsat dawn avang leh mumallo taka thil a kal tam tawh avangin CSS regularisation scheme chu kalpui theih a ni lo" a ti a. "India danpui hnuaia Article 14 leh Article 16 kan bawhchhe thianglo, dan anga lak loh ten CSS regularisation scheme an hmang ve thei lo" a ti.#zabilianz

H. Lalengmawia chuan CSS hnuaia dan lova lak te dahngheh an nih chuan an tlukpui ten court-ah sawrkar an khin chuan sawrkarin thiam a chang dawnlo niin a sawi a. Mitin angkhat veka en a ngai tih sawiin, All Mizoram CSS Employees Coordination Committee (AMCECC) thil phut tihlawhtling tur chuan Mizoram sawrkarin India dan a bawhchhiat a ngai dawn niin a sawi a. Lungawilohna an lantir chhungin sawrkarin hlawh a cut sak dawn tih sawiin, "an kal thui zel chuan an service tawp palh thei a ni" a ti bawk.

CSS hnuaia thawk te dahngheh an nih theihna tura hmalatu All Mizoram CSS Employees Coordination Committee chuan CSS hnuaia thawk te dahngheh phutin, vawiin atang khan lungawilohna lantirin pen/tool down strike an kalpui tan a, an ruahman ang chuan tunkar Ningani thlengin lungawilohna hi lantir an tum a ni.#zabilianz #zabilianznews #zofatehuapzo