#ZabilianZ 15: Kolasib district MJA ten nimin khan Kawnpui leh Lungdai inkar kawng siam mek tlawhin, an enfiah a. He kawng siam mek hi an tlawh dawn tih hnathawktute hrilh lawk mahse, thuthar thehdarhtute hi lo dawngsawngtu an awm lova, hnathawk pawh an lo awm lo.
Border Roads Organisation (BRO)-in an enkawl Kawnpui leh Lungdai inkar kawng siam hna hi BRN Pvt. Ltd-in thawkin, an hna a muang hle nia sawi a ni a. Kawng siam hna muang lutuk chuan mipui tan harsatna nasa tak a thlen avangin thuthar thehdarhtute chuan thuneitute hnena thlen an tum a ni.
He kawng siam hna thawktu BRN Pvt. Ltd chuan hna an thawh ni turah VC te kaltlangin mipui hnenah kawng khar a nih tur thu puangzar thin mahse, kawng khar siin, chhuanlam siamin hna an thawk lo fo nia sawi a ni a. Hna an thawh pawhin an hna a muang hle nia sawi a ni.#zabilianz
Thuthar thehdarhtute chu Serkhan VC te nen inkawmin, contractor te hnathawh dan dinhmun te an zawt a, Serkhan VC te chuan kawng siam hna chu muang an tih thu an lo hrilh a. Hna thawh loh ni an neih tam thu te, nikhatah metre 490 vel chauh an siam hman thin thu te thuthar thehdarhtute chu an lo hrilh bawk.
BRN Pvt. Ltd-in kawng siam hna an thawh avang hian Aizawl SP chuan Durtlang - Kawnpui kawng km 122 leh km 155 inkar chu January ni 16, 2025 atanga hna zawh hma zawng zing dar 9 atanga tlai dar 4 inkarah khar thin a nih tur thu a lo puang tawh a. Nimin thleng khan Serkhan tawntirh, Dawngliana filling station thleng black topping hna thawh tawh a ni.#zabilianz #zabilianznews #zofatehuapzo
0 Comments