#ZabilianZ Apr 09: Social Welfare & Tribal Affairs-in sawrkar laipuia Ministry of Tribal Affairs puihnaa National Tribal Youth Festival, State Tribal Resource & Training Centre (STRTC) Kelsih-a a buatsaih mek chu naktuk April ni 10, 2025 (Ningani)-ah a kharna hun hman a ni dawn.
National Tribal Youth Festival tawp ni ah hian NE-a hmeichhe guitarist tha pahnih, ram pum huap pawha hriathlawh tak - Vawnchawi Vaiphei, Manipur leh Imnainla Jamir, Nagaland te bakah zaithiam langsar tak tak leh band tha tak tak te an inlan bakah hnam lam leh zai te hmanga hun hman a ni dawn.
Hun hmang tur zingah Johan H. Lalmalsawma, Vanlalhmangaiha te bakah Youth Icon star J Lalrosanga, Samson-a leh Mawimawia te, band lamah Tribal Power, Sound from the Hills, The Prophets, Evenflow leh MZI Hqrs. hrang hranga band tha ber ber te pawh an tel a. Cultural club lar tak tak - Huiva Cultural Club, Chhawkhlei Cultural Club leh Thingsiri Cultural Club te pawh an inlan dawn. Mizo Cultural Organisation (MCO) leh Darbu Zaipawl ten Sarlamkai pui an entir tur pawh kal chhan tling tur zing ami a ni.#zabilianz
Zai leh lam te bakah hian Mizo Photographers' Society (MPS)-in thlalak chi hrang hrang an phochhuah pawh mit titlai leh beng tivar tham a tling. Ei leh in lam leh thil dang zawrhna stall engemawzat a awm bawk.
National Tribal Youth Festival kharna hun hi Social Welfare & Tribal Affairs Minister Lalrinpuii'n a hmanpui dawn a.He hmunah vek hian naktip April ni 11, 2025 (Zirtawpni)-ah Naupang pual kut hman chhunzawm a ni dawn bawk a ni.#zabilianz #zabilianznews #zofatehuapzo
0 Comments