#ZabilianZ Apr 11: Aizawl-a Dinthar veng Local Council leh tlawmngai pawl hrang hrang ten vawiin khan an veng chhungah ruihhlo do kawngzawh an huaihawt a. Ruihhlo tawlhruk thubuaia man Henry Lalbiakzinga Chhundeng leh a thurualpuite na taka hrem an phut.
Ruihhlo do kawngzawha tel Dinthar veng khawtlang mipuite hian ruihhlo leh a zuartute an duh loh zia te an aupui a. Resolution siamin an pawm bawk.#zabilianz
Dinthar veng khawtlang mipuiin vawiina resolution an pawm tak chu :
1. Ram leh hnam hmelma, nunna suattu Heroin hawng 440, Henry Lalbiakzinga Chhandeng S/o R. Malsawma, Dinthar veng man sak a ni hi lawmawm kan ti a, a phu tawk hremna pe ngei turin thuneitute kan phut tlat a ni.
2. Ruihhlo dona kawnga theihtawp chhuha Dinthar khawtlangin hma kan lak reng laia ruihhlo tawlhrukna lianthama Dinthar veng mi a lo inhnamhnawih hi pawi kan tiin, kan dem takzet a ni. Dinthar vengah ruihhlo leh a zuartute tan hmun a awm lo tih vawiin hian kan puang nawn leh e.
3. Zu leh ruihhlo chi brang hrang zuartute tan Dinthar vengah hmun a awm lo tih kan puang a, khawtlangin inlungrualin nasa zawkin kan do zel ang, tih te a ni.
Ruihhlo, Heroin hawng 440 thubuaia inhnamhnawiha puh, March ni 15, 2025-a man Henry Lalbiakzinga Chhundeng, Dinthar Veng, Aizawl te in-ah hian April ni 9, 2025 zan khan Dinthar veng branch YMA hruaitute kalin YMA member fee leh chhiatni fund pekirin, khawtlangin an ensan thu an puang a. Hemi zan hian Dinthar veng thalai thinrim tam tak chu Henry Lalbiakzinga te in tualah an pungkhawm nghe nghe a ni.
Nizan, April ni 10, 2025 zan khan Henry Lalbiakzinga te in tualah Dinthar veng thalai tam tak pungkhawm leh in, an khawtlang hruaitute leh tlawmngai pawl te hmalakna an duhkhawploh thu te leh Henry Lalbiakzinga Chhundeng chu "Dinthar veng timualphotu a ni" tiin an veng chhunga awm atan an duh loh thu te an aupui bawk.
March ni 14, 2025 khan Zokhawthar Police-in Heroin hawng 440 (Kg 4.722), tualchhung rate-a Rs. vbc 14, nuai 1, sing 6, sangf 6 man hu an man a, hemi chhuina kal zelah March ni 15, 2025 khan Aizawla sumdawng lian tak nia sawi Henry Lalbiakzinga Chhundeng (34) Dinthar veng, Aizawl leh Laltluangzela (28) te chu Aizawl-ah man an ni a. He thila inhnamhnawiha puh te hi Jail-ah dah mek an ni a. He thubuai nghawng kal zelah hian Kulikawn Branch YMA leh Ramhlun North Branch YMA te chuan an venga Henry Lalbiakzinga dawr te chu khar turin an lo ti tawh bawk a ni.#zabilianz #zabilianznews #zofatehuapzo
0 Comments