#ZabilianZ June 13, 2026: MNF President Zoramthanga leh MNF General Secretary Er. K. Lalsawmvela te chu tun thla ni 11-a New Delhi-a NDA Conclave neihah telin, Union Home Minister leh sorkar laipuia mipawimawh dangte an hmu nghal bawk. NDA Conclave chungchang chu MNF President chuan a social media account lamah tarlangin"NDA kaihhruai sorkarin kum sawm leh pahnih chhung ram rawngbawlna ropui tak a thawh hriatrengna hun leh India ram Prime Minister atana mipui thlan tlin zawn rei ber Pu Narendra Modi chawimawina leh lawmna hun hman a ni" tiin a tarlang a. "He hun pawimawh takah hian Er. K. Lalsawmvela, MNF General Secretary nen kan tel ve thei a. NDA a kan thawhpui ṭhiante leh Northeast Chief Minister te nen pawh kan inhmu hlawm a. Hun hlawk thlak tak leh hlimawm tak kan hmang ho thei a. A lawmawm tak zet a ni" tiin a talang a ni.#zabilianznews
MNF President Zoramthanga leh General Secretary Er. K. Lalsawmvela te hian nimin khan Union Home Minister Amit Shah chu a pisa-ah hmuin ram chhung politics leh thil pawimawh dang tam tak an sawipui a. Kaladan Multi-Modal Transit Transport Project (KKMMTTP) hnathawh mek chungchangte leh kum 2028-a Mizoram MLA inthlanpui tur chungchang te pawh an sawipui niin MNF party thuchhuah chuan a tarlang.
June ni 2, 2026 khan National Security Advisor Ajit Doval pawh a pisa-ah hmuin, an lo kawm tawh a. Thil pawimawh tak tak, a bikin Myanmar leh Bangladesh chungchanga thil pawimawh te an sawipui thu MNF thuchhuah chuan a tarlang bawk.#zabilianz #zabilianznews #zofatehuapzo
0 Comments