Hlaphuahtu ropui - Zo Rimawi Arsi lian a herliam ta!

#ZabilianZ July 11: Hlaphuahtu ropui, Zo Rimawi Arsi lian Rev. Dr. H Killuaia, Chanmari, Lunglei chuan tukin dar 1 khan Trinity Hospital, Aizawl atangin chatuan ram a pan a, vawiin chawhnu dar 1-ah vui a ni ang.

Kum 87 mi, Baptist Church of Mizoram (BCM) Pastor zinga a langsar ber pawl Rev. Dr. H Killuaia hi natna hrang hrangin tlakbuakin, Lunglei leh Aizawl lama damdawi in hrang hrangah engemawchen enkawl a ni a. Hlaphuahtu ropui niin, damdawi in-a a awm lai pawha hla phuahin, amahin a ziah theih tawh loh avangin a tu ten an lo ziahsak thin.#zabilianznews 

A hla phuah 80 chuang zingah - Mizoram Synod Choir-in an sak - Indona leh Pathian kohhran; Nancy Zothanmawii'n a sak - Rorelna dik leh Ka hlau lovang tih te; Lalenkawli Pautu sak - Kan ram ding chhuak se; Bethsy Lalrinsangi sak - Tho la, Lalpa hnenah tawngtai rawh; Ka nun hian a ngai em che; Lalpa min tawngtai tir rawh; Tawngtaina pindan leh Sunday sikul i kal ang u tih te; Pensy B. Lalthangliani sak - Vuina nun neilo (Mifel Joba) te phei chu Mizo Kristian hla tha leh lar tling vek an ni a. Lehkhabu tha tak tak 33 a ziak hman bawk.

Rev. Dr. H Killuaia hian a nupui Chhunkimi nen fapa pathum a nei a ni.#zabilianz #zabilianznews #zofatehuapzo