#ZabilianZ July 11: Chief Secretary Khilli Ram Meena hova vawiina Co-ordination Committee on Traffic Management thukhawmin kum 2017 atanga tun thlenga Aizawl-a mimal leh sawrkar motor huam veka lirthei intlanchhawk enchhin mek chu thla khat chhung enchhin leh turin a huam chin an sawrzim.
Aizawl-a lirthei intlanchhawk chu - Aizawl khawpui chhung kawngpui (main spine) - Bawngkawn to Kulikawn - (Chaltlang leh Ramhlun paltlang) Chanmari, Zarkawt, Dawrpui leh Sikulpuiawn leh Sikulpuikawn to Chanmari West (Temple Square, Vaivakawn leh Hunthar)-ah te August 2025 chhung enchhin turin an ti a. Two-wheeler leh LMV, Taxi-te pawh kar khata ni hnih tlan loh ni nei thin chu kar khatah ni khat tlan loh ni nei tura ruahmanna siamin, hei pawh hi thla khat - August thla chhung tho enchhin turin an ti bawk.#zabilianznews
October ni 2, 2017 atangin Aizawlah lirthei intlanchhawk (mimal leh sawrkar lirthei huam vekin) enchhin tan a ni a, October, 2017 chhung enchhin phawt tura tih niin, enchhin tan ni ah hian lirthei no. 2-a tawp te an tlan lova, lirthei intlanchhawka tlan loh ni hmang hmasaber an ni.
Aizawla lirthei intlanchhawk enchhin chu pawhsei chhoh zel niin, kum 2019-ah Bar Association-in an khin avanga reilote a khaihlak tih loh chu tun thlengin enchhin a la ni a. Kum 2019-a Bar Association-in an khin avanga khaihlak hi October ni 2, 2019 thleng awh turin July ni 8, 2019-ah chhunzawm leh a ni a, tun thlengin enchhin zui zel a la ni ta a ni.#zabilianz #zabilianznews #zofatehuapzo
0 Comments