#ZabilianZ July 28: ZPM Legislature Party Secretary TBC Lalvenchhunga'n Khamrang leh Buichali inkar kawng chu thawmthat hna thawh mek chungchang sawiin, "NHIDCL mawhphurhna ni mahse, lirthei te an din thup takah chuan a ram neitu kan nih angin hma kan la mek" a ti.
TBC Lalvenchhunga chuan PWD Minister pawhin he kawng hi a tlawh thu sawiin, "chumi hnuah Chief Minister hnenah harsatna te a thlen" a ti a. Kawng thawmthat lailawkna tur Rs. nuai 100 dah nghal a nih thu a sawi.#zabilianznews
ZPM Legislature Party te Inrinni kalta zana an thutkhawm thu leh he kawng chungchang an sawiho thu pawh TBC Lalvenchhunga chuan a sawi a. "He kawng enkawltute hi vai an nih avangin boulder lakna tur te an haihchham a, quarry kawng a lo chhe bawk nen, a hmun ngeia vilpui tha kan ti a, a tul chen chen MLA leh Minister ten nitin an vil tawh dawn" a ti bawk.
Adviser to CM (Finance) TBC Lalvenchhunga chuan he kawng chhia chungchangah hian tun dinhmunah harsatna lian zual sutkian a ni tawh niin a sawi a. Lirthei tangkhang pawh zanin lamah chuan a awm tawh lo tura ngaih a nih thu a sawi bawk a ni.#zabilianz #zabilianznews #zofatehuapzo
0 Comments