#ZabilianZ July 28: Lirtheia eizawng pawl hrang hrangin tlan ngam na khawpa kawng chhia te siam tura sawrkar leh NHIDCL an phutnaa sawrkar leh NHIDCL hmalaknate enin vawiin khan hmun hrang hranga kawng chhia thawmthat hnathawh te an tlawh a, an duhthu chu a sam lo niin an sawi.
Lirtheia eizawng pawl hrang hrang intelkhawm te hian National Nighway No. 306 (Sairang to Kawnpui), National Highway No. 06 (Sairang to Buichali), National Highway No. 108 (Sairang to Langkaih), National Highway No. 6 (Kolasib to Bairabi) te tlawhin, sawrkar leh NHIDCL hmalaknate an enfiah a. Kawng chhe lai siamthat hna kal mek chu an duhthusam a nih loh thu an sawi.
Lirthei-a eizawngtute chuan kawng chhe lai siamthat hna thawktu an tlemin, khawl pawh an hmang tlem an tih thu an sawi a. Traffic management a that tawk loh avangin motor tam tak an tangkhang ni ah an ngai bawk.
Lirtheia eizawng pawl hrang hrang intelkhawm te hian an kal zel dan tur chu joint meeting an neih leh hunah an ngaihtuah dawn nia thudawn a ni a. Vawiina kawng dinhmun an enfiahnaah hian lirtheia eizawng pawl 14 atangin an thawk chhuak a, kawng chhia avanga tangkhang, hnamdang ten harsatna an tawh te an hnenah an lo thlen nia thudawn a ni bawk a ni.#zabilianz #zabilianznews #zofatehuapzo
0 Comments