#ZabilianZ July 29: Congress thalaiin ZPM Legislature Party-in Buichali leh Kawnpui inkar kawng siam hna thawh mek Minister leh MLA ten nitina vil tura ruahmanna an siam chu PWD Minister an rintawklohna tihlanna nia an ngaih thu an sawi.
ZPM Legislature Party ruahmanna chu thil tha tak anga lang ni mahse, an sawrkar ngeiin an PWD Minister an rin zawh loh zia tichiangtu leh an thawhpui PWD Minister rintawklohna - no confidence an move tih an lantirnaa an ngaih thu Congress thalai chuan an sawi a ni.#zabilianznews
Congress thalai chuan "Hetiang hi Mizoram sawrkar awm tawha thil la thleng lo leh thil zahthlak a ni" an ti a. Sawrkar inthlahdah avangin Minister ten an department chan pawh buaipui hman lovin kawng chhe siam an vil nia sawiin, hei hi kalphung thar hlauhawm leh dawngdahnaa an ngaih thu an sawi bawk.
Harsatna a thlen hnu leh thil a nih tur ang a nih hnua Minister leh MLA ten kawng siam an vil a, PWD E-in-C leh DC ten kawng siam an tlawh thung chu sawrkarin kalphung mumal a neih loh zia tichiangtu niin an sawi a. Sawrkar chu driver tangkhang te riltama siamtu-ah puhin, mipui bumna atan thleibik neia ei tur sem-ah an puh a. Hei hi Mizoram mipuiin lemchanna dik takah an ngai niin Congress thalai chuan an sawi bawk a ni.#zabilianz #zabilianznews #zofatehuapzo
0 Comments