Green Mizoram Day : Kum 2014 atanga 2025 thlengin thing tiak nuai 17 chuang phun tawh

#ZabilianZ June 11, 2026: Mizoram sorkar-in kum 2014-ah kumtin June ni 11 chu Green Mizoram Day atana hman tur a nih thu a puan hnuah kum kalta 2025 thleng khan thing tiak  17,79,503 phun tawh a ni a, thing tiak 29,74,318 sem a ni tawh bawk.

Youth Recreation Centre, Falkland-a 'thing hi rangkachak anga hlu, nunna tinreng bul a ni' tih thupui hmanga Green Mizoram Day hmannaah he thu hi vawiin khan sawilan a ni a. Environment, Forest & Climate Change Minister Lalthansanga pawhin "Mizoramin sik leh sa nuam tak, ram dangin an awh em em a neih theih chhan chu ramngaw leh thing kan neih that vang a ni" a ti.#zabilianznews

Aizawla Green Mizoram Day hmannaah hian kangmei ven kawnga thawk tha te lawmman sem a ni a, Youth Recreation Centre huam chhungah Minister leh official ten thing tiak an phun bawk.

Kang mei ven kawnga thawk tha lawmman dawngtute :

District huangah - Lawngtlai, Serchhip leh Aizawl district; Ram pum huap khaw inelna huangah - Leng, Rulkual leh Muthi; Aizawl district bik inelnaah - Muthi, Thiak leh Sawleng khua ten an dawn bakah - Kepran, E. Phaileng leh Hmuifang Tlang Fire Prevention Committee ten consolation prize an dawng bawk.#zabilianz #zabilianznews #zofatehuapzo