#ZabilianZ July 10: MNF thalaiin ZPM party-in MNF Vice President, Eptu Leader ni bawk Lalchhandama Ralte dawtin an puh niin an sawi a. Tun thla ni 7-a MSU kawngzawhnaa Lalchhandama Ralte a tel ve anga ZPM thuchhuahin a tarlan chu thu diklo a nih thu an sawi.#zabilianznews
MSU-in kawngzawh an huaihawt ni - July ni 7, 2025 chu party pisa-a party chhung inkhawm an neih ni a nih thu MNF thalai chuan sawiin, kawngzawha tel zirlai an tam avangin MNF Vice President Lalchhandama Ralte chuan MNF MLA dang te ang bawkin kawngzawh te tawk zawngin ke-in party pisa a pan a, kawngzawhtu zingah a tello niin an sawi.
MNF thalai chuan MNF hunlaiin Samagra project hnuaia zirtirtu lâk thar (fresh appointment) chu advertisement kaltlanga lâk vek niin an sawi a. Thihna avang leh hun laklawha hna ruak te chu Samagra danin a phal ang leh executive committee-in thuneihna a pek angin SPD-in office order hmanga a hnawhkhah a awm zeuh zeuh nia sawiin, hei hi state dang te pawhin an tihdan niin an sawi.#zabilianznews
MNF sawrkar lai vekin zirtirtu indaihlohna phuhruk nan MR teacher 880 lak turah pawh advertisement chhuah a nih thu MNF thalai chuan an sawi a. "MTET leh D.El.Ed nei kawp diltuin an daih lova, zirtirtu lâk a tul si avangin Council of Minister-in zirtirtu training Diploma D.El.Ed nei te chu kum 5 hun pein ngaihhnathiamnaa lâk tel an ni" an ti. "Heng trained teacher tam tak te hian MTET an nei tawh a, D.El.Ed nei MTET la nei hmanlo te pawhin an last chance an bei mek a ni" an ti bawk.
MNF thalai chuan Education Minister leh ZPM party chu thudik famkimlo sawi-ah an puh a. Zoram mipui, Education Deptt-a thawktute leh zirtirtu ten Minister thar neih hlan an nghakhlel nia sawiin, hei hi awm an tihpui thu an sawi bawk a ni.#zabilianz #zabilianznews #zofatehuapzo
0 Comments