LR&S Minister-in Saitual DC Revenue Branch a hawng - Saitual district-ah LSC 3411 a awm mek

#ZabilianZ July 08: Saitual DC Revenue Branch chu vawiin khan Land Revenue & Settlement Minister Pu B Lalchhanzova'n a hawng.

Revenue Minister chuan Revenue Deptt-a thawktu te chu customer care ngaipawimawh turin a chah a. Customer care chu hmel hlim ringawt a nih loh thu sawiin, Customer Care chu anmahni dawrtu mipuite tana biak nuam bakah, mipui mamawh țha taka tihhlawhtlinsaka, rintlaka hnathawh a nih thu a sawi bawk.

Saitual DC Revenue branch hawng tur hian June ni 19, 2025 khan document pawimawhte chu Aizawl Dist leh Champhai Dist aṭang tein Saitualah phurh thlen a lo ni tawh a. Settlement Officer, Surveyor - I, II, III leh thawktu dang 7 an awm mek a ni.

Saitual Dist chhungah hian - LSC - 3411: House Pass - 1247: Periodic Patta - 3661: Land Lease - 19: WRC LSC - 39: Garden LSC - 62 a vaiin - 8439 a awm mek a, la tihfel chiah loh 825 a awm bawk.

Saitual DC Revenue Branch hawnna hun hi Khawzawl leh Hnahthial District Bawrhap te pawhin video conference hmanga lo zawm ve in thu an sawi bawk a ni.#zabilianz #zabilianznews #zofatehuapzo