#ZabilianZ Aug 01: Larsap General VK. Singh-a'n tun thla - August ni 27 chawhma dar 10:30-a ṭan turin Mizoram Legislative Assembly pakuana ṭhutkhawm vawi 5-na a kova. He thutkhawmin a awh hun chhung tur leh an hun hman dan tur te ngaihtuahin tun thla - August ni 6, 2025-ah Business Advisory Committee an thukhawm dawn a ni.
Legislative Assembly thutkhawm hi Larsap-in House Leader berawn chungin a ko thin a. Larsap-in session a koh hnuah Speaker kaihhruai Business Advisory Committee-in session neih hun chhung tur te leh hun hman dan tur te an duang zui thin. Business Advisory Committee hi rorellai leh eptu lam aiawhte an telna committee a ni.#zabilianznews
Larsap-in session a koh atangin Member of Legislative Assembly (MLA) ten he session atan hian zawhna an zawt thei nghal a. Zawhna chu form siamsa hmanga ziaka zawh thin ni mahse, nikum budget session atang khan National e-Vidhan Application (Neva Application) hmangin MLA ten online-in MLA ten zawhna an zawt thin ta a. Thutkhawm tan hma, ni 15 a la awm thlengin MLA ten zawhna an zawt thei a ni.
Zawhna lut te chu Assembly secretariat lamin a zawhna azira a chhangtu tur Deptt. lama thawn turin an lo buatsaih a, dan anga Speaker-in a pawm ve leh Deptt. lamin an chhan tura thawn chhuah thin a ni. Thawn chhuah a nih atanga ni 10 chhungin Deptt lamin a chhanna chu Assembly Secretariat-ah an thehlut leh hman tur a ni a. Chhan mai harsa deuh, information dap khawm deuh ngai a awm a nih chuan 'interim reply' an tih chu an thawn thin bawk.#zabilianznews
Zawhnate hi chi hnih - star question leh unstar question a awm a, star question chu session-a zawhna leh chhanna huna a changtu Minister-in an chhan nghal thin hi a ni a, unstar question erawh chu chhan thui ngai deuh leh document tul te thil tel ngai ang chi niin, a chhanna chu member te dawhkanah an dah mai thin.
0 Comments