#ZabilianZ Aug 12: Lunglei West biatu MLA T. Lalhlimpuia leh Lawngtlai East bialtu MLA Dr. Lorrain Lalpekliana Chinzah ten vawiin khan Bualte dai leimin tlawhin, khualzin tangkhang te buaipuitu Bualte khawtlang hnenah Rs. 10,000 an pek ve ve bakah Thualthu khawtlang hnenah pawh Rs. 10,000 an pe ve ve bawk.
MLA pahnih te chuan Bualte leh Thualthu khawtlang inpekna chu thil chhinchhiahtlak leh Mizo nun zemawi ti par vultu niin an sawi a. T. Lalhlimpuia chuan a bial chhung ni lo mahse, chhim mipuite harsatna a nih avanga an tih theih tawk te ti ve tura bialtu MLA bakah, HPC Vice Chairman te nen pawh ngaihvena lang ve an nih thu a sawi.
Dr. Lorrain Lalpekliana Chinzah pawhin Lawngtlai leh Siaha district chak lakna kawng ber hun rei tak buaipui ngaia a awm chu pawi a tih thu a sawi a. Lei a la tlak reng avangin Bualte leh Thualthu khawtlang pawh eng chen nge an la buai dawn dawn tih hriat a nih loh thu sawiin, harsatna an neih te sawi hreh lova an tlawmngaihna lo chhunzawm zel turin a chah a ni.#zabilianz #zabilianznews #zofatehuapzo
0 Comments