#ZabilianZ Aug 28: ZPM party-in sawrkarna an chan hnu ah PWD hnuaiah restricted tender hmangin hna 126 leh Home Deptt. hnuaiah hna 3 pek a ni tawh.
Mizoram State Legislative Assembly 9-na thutkhawm vawi 5-na vawiina zawh taka eptu member, East Tuipui bialtu MLA Ramthanmawia zawhna, PWD Minister H. Vanlalhlana'n ziaka a chhan danin, ZPM party-in sawrkarna an chan hnuah PWD hnuaiah restricted tender hmangin hna 126 pek a ni tawh a. Home Minister K. Sapdanga'n Home department hnuaiah restricted tender hmanga hna 3 pek a nih tawh thu East Tuipui bialtu MLA Ramthanmawia vekin a zawhna ziakin a chhang bawk.
PWD hnuaia restricted tender hmanga hna 126 pek zingah hna hmutu mi pakhat, an hna hmuhna hming hran ni si an awm nual nia thudawn a ni a. Hna hmutu thuhmun, hming thuhmun, address hrang hmanga hna hmu pawh an awm nia thudawn a ni.
Home department hnuaia restricted tender hmanga hna 3 pek tawh nia Home Minister-in a tarlan te chu :
Construction of Type-II Quarters, 2
Units No. 1 (one) for Kulikawn PS
at 3rd Bn. MAP Complex,
Mualpui, Aizawl
Amount Rs. 64,27,963.00
Construction of Type-II Quarters, 2
Units, No. 2 (two) for Kulikawn PS
at 3rd Bn. MAP Complex
Mualpui, Aizawl
Amount Rs. 60,40,355.00
Construction of Type-III Quarters, 2
Units for Kulikawn PS
at CID Complex
Bungkawn, Aizawl
Amount Rs. 82,17,443.00 te an ni a. Heng Home department hnuaia restricted tender hmanga hna 3 pek tawh nia Home Minister-in a tarlan te hi a thawktu tur Contractor tur thlan mek a nih thuin zawhna chhannaah chuan tarlang a ni thung.#zabilianz #zabilianznews #zofatehuapzo
0 Comments