#ZabilianZ Aug 12: Tiranga Mahotsav hnuaia – Tiranga Mela leh Tiranga Concert chu vawiin khan Vanapa Hall, Aizawl-ah Art & Culture Minister C. Lalsawivunga'n a hawng.
Tiranga Mahotsav hi sawrkar laipuia Ministry of Culture-in Har Ghar Tiranga programme a buatsaih hnuaia peng pakhat niin, India zalen kum 75-na hriatrengna atan kum 2022 atang khan hman tan a ni a. India khua leh tui ten ram hmangaihna thuk zawk an neih theihna tur leh India flag-in a entir, hnam hrang hrangte inkara inpumkhatna thuk zawk a awm theihna tura hmalakna a ni.
Tiranga Mahotsav hnuaia India flag kenga kawng zawh runpui - Tiranga Yatra te, hnam ro thil hlu leh thar chhuahte phochhuahna - Tiranga Mela te leh hnam zai leh lamtea intihhlimna - Tiranga Concert-te chu Mizoramah pawh Art & Culture Depp-in hmun hrang hrangah an kalpui tawh a. Vawiina Aizawla neih tan Tiranga Mela hian August ni 14, 2025 thleng a awh ang.
Art & Culture Minister C. Lalsawivunga chuan India ram zalen champha vawi 75-na lawmna Tiranga Mahotsav hman chhan te sawiin, India flag 'Tricolour' in a entir impumkhatna chu vawngnung theuh tur leh he hmalakna thlawpa ram leh hnam tana intukluhna thinglung nei deuh deuh turin kalkhawmte chu a chah a ni.#zabilianz #zabilianznews #zofatehuapzo
0 Comments