#ZabilianZ Oct 15: Mamit-a tlawmngai pawl hrang hrang leh lirthei hmanga eizawngtu pawl te tangrualin, kawng siamthat phuta - Mamit district chhunga inkalpawhna kawngpui te naktuk - October ni 16 atanga timchin awm lova danpin an tum chu an kaltlangpui dawn.
PWD Engineer-in-Chief H. Zoramliana'n zaninah mipui tana harsatna siam lo tur leh an hmalakna lo ngaichang turin ngen mahse, Mamit-a tlawmngai pawl hrang hrang leh lirthei hmanga eizawngtu pawl te tangrual chuan an lo tum lawk tawh anfin Mamit leh Aizawl inkar, Mamit leh Bairabi inkar leh Mamit leh Zawlnuam inkar kawng te siamthat phutin tun thla ni 16 atangin tiamchin awm lovin heng kawng te hi an dang dawn tih ZabilianZ an hrilh.#zabilianznews
Tarlan tawh angin Mamit-a tlawmngai pawl hrang hrang leh lirthei hmanga eizawngtu pawl te chuan Mamit district tana châk lakna leh veivahna Mamit leh Aizawl inkar, Mamit leh Bairabi inkar leh Mamit leh Zawlnuam inkar kawng te chu lirthei eng chi tan pawh kalhleihtheihloh khawpin a chhiaa niin an sawi a. "Chhuanlam ho te te siam tawh lova a rang thei ang bera siamtha turin Mizoram sorkar pawh kan ngen tawh chungin hmalakna mumal a awm lo" an ti.
October ni 4 atanga ni 12, 2025 thlengin sorkar hmalakna nghakin a lo ngaichang tih sawiin, hmalakna mumal leh beisei anga hnathawh a awm lo niin an sawi a. October ni 16, 2026 atangin Mamit leh Aizawl inkar, Mamit leh Bairabi inkar leh Mamit leh Zawlnuam inkar kawng te chu siamthat a nih hma chuan danpin an tum thu an sawi a ni.#zabilianz #zabilianznews #zofatehuapzo
0 Comments