Dampa bial-ah MNF boruak a dai leh tawh :Lalhmingthanga

#ZabilianZ Oct. 10: Dampa bial bye-election lo awm tura BJP Candidate Lalhmingthanga'n Dampa bial-ah MNF-in boruak nei hma viau mahse, tunah chuan an boruak a dai leh tawh niin a sawi.

Lalhmingthanga chuan, Dampa bial bye-election lo awm tur atan BJP-in nasa takin hma an la tih sawiin, khaw ṭhenkhatah chuan BJP-in hma an hruai mek niin a sawi a. MNF-in boruak siam lian hma viau mahse, tunah chuan an boruak a dai leh tawh niin a sawi a ni.

ZPM pawh an hmunpui lam atanga an hotu lian an kal laiin phur tak angin lang mahse, an hawsan leh hnu-ah an phur lo leh mai nia a lan thu Lalhmingthanga chuan a sawi a. Dampa bial mipui ten BJP-ah beisei an nei sang nia sawiin, "state-a sorkar laiin awmzia a neih loh zia an hre tlang tawh" a ti

Lalhmingthanga chuan bye-election chu state ruling lam chana ngaih ni thin mahse, tunah chuan state ruling MLA neih aia central ruling MLA neih duhna a lian zawk ta hle niin a sawi a. Bial mipuiin Dampa bial tana a beisei leh duh ang ngeia hna an thawh tir a beisei thu a sawi bawk.#zabilianz #zabilianznews #zofatehuapzo