#ZabilianZ October 03: Mizo Cultural Organisation (MCO)-in nimin khan MCO Sub- Hqrs, Saitual an hawng a. He hun hi Keifang Venglai hall-ah hmangin, MCO Vice President John Saikhuma'n MCO Sub- Hqrs, Saitual hi a hawng a ni.
MCO Sub-Hqrs thar hawngtu John Saikhuma chuan Mizo hnam ziarang (culture) humhima, vawngnunga, ṭhangthar lo awm zel tur te hnena zirtir chhawng zel turin kalkhawm te a chah a. Hnam nunzia chawinunga tihmasawn zel tura MCO Sub-Hqrs. Saitual hawn theih a lo ni ta chu lawmawm a tih thu sawiin, hruaitute hmalakna a fak bawk.
MCO Sub-Hqrs. Saitual hawnna hun hi MCO Gen. Hqrs aṭangin hruaitu ṭhahnem takin an telpui a. Saitual town Joint VC, Sub-Hqrs. YMA, Sub-Hqrs MHIP leh Keifang Venglai Br. YMA hruaitu te pawhin telpuiin, MCO Gen-Hqrs. Aizawl atangin zaithiam - Mabiaki Pachuau, KC Hmingtea leh Madini Hmar ten zaiin kalkhawmte an awi bawk a ni.#zabilianz #zabilianznews #zofatehuapzo
0 Comments