#ZabilianZ October 01: Mizoram State AIDS Control Society (MSACS) leh Association for Voluntary Blood Donation (AVBD) te bakah blood bank hrang hrang ten bawiin khan Aizawl leh district dang hrang hrangah National Voluntary Blood Donation Day an hmang a, midang tana thisen pe tan hmeichhia te hnenah chawimawina an hlan.
Govt. Hrangbana College Golden hall-a National Voluntary Blood Donation Day hmanna chu South Tuipui bialtu MLA Jeje Lalpekhlua'n hmanpuiin, Mizo hmeichhe zinga midang te tana thisen pe tam - vawi 88 pe tawhtu Rebecca Saimawii, Dawrpui bakah Mizo hmeichhia, midang te tana thisen pe tam te hnenah chawimawina a hlan.
Jeje Lalpekhlua chuan damlote nunna chhanna atana thisen petute a chhuan thu leh hmeichhia \hahnem takin vawi tam tak thisen an pe tawh chu ropui a tih thu a sawi a. Midang tana thisen pe tam hmeichhiate chu a tluk loh te vek an nih thu sawiin, "ka chhuang tak zet a ni" a ti.#zabilianznews
Mizo hmeichhia - midang tana thisen pe tam chawimawina dawngtute hi - thisen vawi 88 pe tawhtu Rebecca Saimawii, vawi 65 pe tawhtu Zothantluangi, Mission Veng, vawi 55 pe tawhtu Malsawmdawngi, Kulikawn, vawi 37 pe tawhtu Lalthanmawii, New Capital Complex, vawi 36 pe tawhtu Lalramthangi, Upper Republic, vawi 32 pe tawhtu Lalngaizuali, Durtlang, vawi 29 pe tawhtu Malsawmtluangi, Tanhril, vawi 28 pe tawhtu T Lalhmangaihzuali, Ramthar North, vawi 23 pe tawhtu Lalruatsangi, Ramthar North, vawi 22 pe tawhtu Rody Lalngaihsaki, Vaivakawn, vawi 21 pe tawhtu R Zoramthangi, Zemabawk North leh H Zonunsangi, Thingsulthliah, vawi 20 pe tawhtu F Lalmuanpuii, Bethlehem Vengthlang te an ni. College/University hminga vawi 12 pe tawhtu Lalrinzuali, Pachhunga University College leh vawi 10 pe tawhtu Vanlalthafamkimi, Mizoram University te hnenah chawimawina hlan a ni bawk.#zabilianz #zabilianznews #zofatehuapzo
0 Comments