#ZabilianZ Oct 15: Dr. Pooja Agarwal, Senior Oncologist, Manipal Hospital, EM Bypass-in Mizoramah hnute cancer a hluar hle nia sawiin, hmarchhak state dang nena khaikhin pawhin Mizoram-ah hnute cancer an tam hle niin a sawi.
He thu hi Aizawl Press Club-ah thuthar thehdarhtute kawmin vawiin khan Dr. Pooja Agarwal chuan a sawi a. Breast Cancer Awareness Month pualin Manipal Hospital, EM Bypass chuan Aizawl-ah Breast Cancer Champions’ Meet an buatsaih thu sawiin, hnute cancer hneha dam ta te huaisenna leh chhelna avanga chawimawina hun te an hman thu a sawi bawk.
Dr. Pooja Agarwal chuan kum tam tak chhung chu hmeichhe hnute cancer vei hmuhchhuah an pung zel nia sawiin, hma taka hmuhchhuah leh a hun taka enkawl tam tak an awm thu erawh a sawi a. "Damchhuakte inhmuhkhawmna hun hmang hian hmeichhe tinte chu he indonaah hian amah chauh a ni lo tih hriat nawn tir thei tur tanpuitu chak tak siam kan tum a ni" tiin, midang hrilhhriat chu an tum ber a nih thu a sawi.
He press meet-ah hian Dr. Pooja Agarwal leh a thawhpui ten Mizo, hnute cancer an lo enkawl dam tawh thenkhat ten thu an sawi bawk a ni.
0 Comments