#ZabilianZ Oct 15: Mamit-a tlawmngai pawl hrang hrang leh lirthei hmanga eizawngtu pawl te tangrualin, kawng siamthat phuta - Mamit district chhunga inkalpawhna kawngpui te tun thla ni 16 atanga timchin awm lova danpin an tum chungchangah PWD Engineer-in-Chief H. Zoramliana'n mipui tana harsatna siam lo tur leh an hmalakna lo ngaichang turin a ngen.
Tlawmngai pawl hrang hrang leh lirtheia eizawngtu pawl te chu zanin khan PWD Engineer-in-Chief H. Zoramliana ho hian an thukhawm a. PWD Engineer-in-Chief H. Zoramliana chuan Mamit district-a iinkalpawhna kawng te siamtha tura hma an lak nghal tur thu sawiin, highway-ah PWD inrawlh vak lo mahse, mipuiin harsatna nasa tak an tawh avangin hma an la dawn tih a sawi.#zabilianznews
PWD Engineer-in-Chief chuan kawng enkawlna turin Rs. vbc 11 hmuh a nih thu sawiin, kawng hlui enkawlna tur pawisa pawh hmuh a nih thu leh hmalak nghal tum a nih thu a sawi a. NH 44 A siamna tur Rs. vbc 170 sanction tawh a nih thu pawh sawiin, hna thawh thuai a nih theih na turin central sorkar-ah nawr mek a nih thu a sawi bawk.
Mamit-a tlawmngai pawl hrang hrang leh lirtheia eizawngtu pawl te aiawhte chu zanina PWD E-in-C in a ngenna te ngaihtuahin an thukhawm leh mek a ni.#zabilianz #zabilianznews #zofatehuapzo
0 Comments