#ZabilianZ Nov 09: Dampa bial bye-election lo awm tura MNF candidate Dr. R. Lalthangliana'n thlan tlin a nih chuan kum 2026-ah State level Biju festival ropui tak Silsuri-ah an buatsaih tur thu a sawi.
November ni 7, 2025 - Zirtawpni-a Silsuri khuaa campaign kharna hun an hmannaah he thu hi Dr. R. Lalthlangliana chuan a sawi a. Silsuri bakah Dampa bial pumah health sector lama harsatna sukiang tura hma a lak tur thu sawiin, Health deptt. staff indaihlohna phuhruk dan ngaihtuah a nih tur thu leh Nurse leh Health Worker awmlohnaah MLA fund hmang emaw, kawng dangin emaw dah dan ngaihtuah nghal a nih tur thu te a sawi bawk.
Reiek-a nimina campaign kharna inkhawmah pawh Dr. R. Lalthangliana chuan a hmalakna tur hrang hrang sawi lehin, thlan tlin a nih chuan V/C, NGO leh political party hrang hrang te nen inrawnkhawmin khawtinin an mamawh ang zela harsatna sutkianna turin 'Village Level Development Plan' siam a tum thu pawh a sawi a. Bial chhung inkalpawhna kawng chhia ngaihpawimawh hmasak a tum thu te a sawi.
Aspirational district atanga khaichhuak tura hmalak a tum dan leh state sum ni lo, aspirational district a nihnaa central sum atanga a theihna zawnah bial mipui tan thawh a tum dan te, border haat tihpuitlinna tura hmalak a tum thu te, education sector lama hmalak a tum dan te, Agriculture link road ngaihpawimawh hmasak a tum thu te, Dampa bial leh Mizoram tana hmasawnna bung thar kai tura theihtawp chhuah a tum dan te a sawi bawk.#zabilianz #zabilianznews #zofatehuapzo
0 Comments