Aizawl Lammual-a 33KV gas insulated power sub-station dahna tur hmun leh a kaihhnawih tuldang te enfiah

#ZabilianZ May 07, 2026: Tukin khan Power and Electricity Minister F. Rodingliana leh Lammual Advisory Committee hotu ten Aizawl Lammual-a 33KV Gas insulated power sub-station dahna tur hmun leh Lammual chhunga hmun pawimawh hrang hrang te power mamawh dan tur leh hrui kaltir dan tur an enfiah.

Lammual-ah hian 33KV Gas insulated power sub-station Rs. vbc 22.36 senga dah tura ruahman niin, Mizoram sorkar-in sum a pe chhuak tawh niin sorkar thuchhuah chuan a tarlang a. Lammual chhunga dah tur - Vanapa Hall, Amphitheater, PHED Reservoir ltr nuai 12 dawng) bakah Aizawl Square-te power mamawh pekchhawnna tur Rs. vbc 9.2 senga siam tura ruahman a ni bawk.

Lammual chhunga power pek chhuahna te hi lei hnuaia phum tura ruahman a ni a. Gas insulated sub-station chu sub-station pangngai ang ni lovin hmun mamawh tlem, meter 34X26 bial vel chauh awh tur nia sawi a ni.#zabilianz #zabilianznews #zofatehuapzo