AMC sorkar thar lalut

#ZabilianZ May 07, 2026: Aizawl Municipal Corporation (AMC) sorkar thar chu vawiin khan AMC BoC meeting hall-ah lakluh a ni a. Ward VI atanga thlan tlin H. Lalremtluanga chu Mayor atan lakluh niin, Dy. Mayor atan Ward XVI atanga thlan tlin R. Lalawmpuii lakluh a ni bawk.

Ward VIII atanga thlan tlin - Christina Roluahpuii Sailo; Ward XIII atanga thlan tlin Vanlalhruaia, Ward III atanga thlan tlin Vanlalfaka leh Ward XVIII atanga thlan tlin K. Lalrodinga te Executive Corporator atan lakluh niin, Corporator thlan thar 19 te pawh ward indawt dana rinawmna thu tiamtira lakluh an ni. 

AMC sorkar lakluhna hi Aizawl Bawrhsap Er. Lalhriatpuia hova neih niin, Mayor, Dy. Mayor, Executive Corporator leh Corporator te rinawmna thu tiamtirin a lalut a ni.#zabilianz #zabilianznews #zofatehuapzo