MZP-in pensioner rawihnawnna order sut turin sorkar an ngen

#ZabilianZ May 07, 2026: MZP-in tunhnaiah sorkar-in a hnathawk pension rawihnawn a nei nia sawiin, pension rawih nawnna order chu tun thla - May ni 14, 2026 ral hma ngeia sut turin Mizoram sorkar an ngen. 

MZP chuan Mizoram sawrkar hnuaia hnathawk pension tawh rawih nawn (re-employment) chu tunhma atangin MZP chuan nasa takin a dodal thin tih sawiin, "pension ruai nawn lo tura thuneitute kan ngen reng laia kan ngenna ngaipawimawh lova tunhnaia rawihnawn an awm leh hi Mizoram mipui leh thalai hna zawng mek te zahlohna leh hmusitnaah kan ngai" an ti a. "Pensioner rawihnawn chungchangah MZP ngaihdan á la ngai reng" tiin, pension tawh rawih nawn (re-employment) an nih avanga bang tura nawr pawh an lo neih tawh thu leh chutiang thil thlen ngailo tura thuneitute pawh a tul anga hma la tura an ngen nawn leh thu an sawi.

Sorkar hnathawkte chu an hnathawh hun chhunga thahnemngai taka thawk tura an ngen thu MZP chuan sawiin, "an pension hnuah erawh chuan thalai hna zawng mek te kian turin kan duh a ni" an ti bawk.#zabilianz #zabilianznews #zofatehuapzo