Champhai Police-in cheng tam tak man ruihhlo an man - an chhui zui zel

#ZabilianZ May 16, 2026: Champhai Police-in maxi-cab leh truck atanga ruihhlo tam tham tak an man chungchang an la chhui zui zel.

Tun thla ni 11 zan dar 8 vel khan Champhai Police te chuan Champhai Police check gate-ah Zokhawthar atanga Aizawl pan Maxi-Cab MZ-06 3935 lo tidingin an enfiah a. Heroin nia hriat gram 75, tualchhung rate-a Rs. nuai 15 nia chhut leh methamphetamine kg 10.818, tualchhung rate-a Rs. vbc 8, nuai 65, sing 4 leh sang 4 nia chhut chu an man a. He maxi-cab hian mi phurh a nei lova, a khalhtu Zardawngkima (36), Tuidil, Myanmar, Khawmawi, Myanmar-a cheng nia inchhal chu an man bawk.#zabilianznews

Tun thla vek ni 13 khan Vairengte SDPO kaihhruai Vairengte Police special team-te pawhin N. Chhimluang-ah highway patrolling neiin, motor te an enfiah laiin Ashok Leyland truck AS-01UC 5477 driver leh handyman te chu an tlan chhe thut a, umzui mahse, an man hman lo. Mechanic ruaiin he lirthei hi endik a nih hnuah gear lever bula thil thuhrukna tura siam aṭangin, heroin nia hriat sahbawn bawm 70 an hmuchhuak a. Heroin hi gram 900.29 niin, Rs. vbc 1.8 vel nia chhut a ni.

He truck leh a khalhtu ten phone an tlanchhiatsan pahnih pawh Police te chuan hreng nghalin, Vairengte Police Station-ah thubuai an ziaklut nghal bawk.#zabilianz #zabilianznews #zofatehuapzo