Speaker Lalbiakzama'n Hmar Martarte Ni hmanpuiin Zofa/Mizo te inpumkhatna vawngnung zel turin a chah

#ZabilianZ May 16, 2026: Mizoram Legislative Assembly Speaker Lalbiakzama'n vawiin khan Saikot khelmual, Manipur-ah Hmar Martarte Ni vawi 36-na leh Hmar Martyr's Trophy final a hmanpui a. Hmar hruaitute leh organization ten Mizo/Zo inpumkhatna an ngaihpawimawh avanga lawmawm a tih thu a sawi.

Speaker Lalbiakzama chuan Manipur-a Hmar organization ten Mizo/Zo identity reaffirmation an tih chu Zo hnahthlakte inpumkhatna leh hnam nunphung humhalh kawngah thil pawimawh tak niin a sawi a. Mizoram sorkar leh HPC-D inremna tluantling siam a ni pawh lawmawm a tih thu a sawi.#zabilianznews

Martarte hlutna chu thu a sawifiah theih a ni lo tih sawiin, Lalbiakzama chuan "Hnam tana martar te hi ram leh hnam dam khawchhuahna tur leh chanvo chang lo nia kan inhriatna avanga nunna hlantu, tuna kan dinhmuna kan din theihna tura min hung chhuaktu, kan hnam leh ram hlutna leh zahawmna, kan dinchhuahna tura lungphum pawimawh an ni" a ti a. "An thisen chhuak hi hnam damna chi nung a ni a, chu chuan ṭhangtharte thinlungah ram leh hnam hmangaihna a tuh a, an thisenin khawvel history an ziak a ni" a ti bawk.

Manipur-a chi leh chi buaina awm thin avanga Zofa te harsatna leh tawhna nasa tak chu lungchhiatthlak a tih thu Speaker chuan a sawi a. Zofa/Mizo zawng zawng inpumkhatna leh inunauna vawngnung zel tura ngenin, tawng hrang leh identity hrang nei mahse, Mizo/Zo identity chuan a khungkhawm vek tih hre reng tur leh mahni culture leh identity vawng chunga inpumkhat zel turin a chah a ni.#zabilianz #zabilianznews #zofatehuapzo