East Tuipui bialtu MLA, MNF PAC Member ni bawk-in oil mana cess lak mek titawp tûrin sorkar a phut

#ZabilianZ May 25, 2026: MNF PAC Member Ramthanmawia'n sorkar-in oil mana cess a lak mek chu mipui harsatna tizualtu nia sawiin, titawp tûrin sorkar a phut.

MNF party chhung inkhawm vawiina neihah he thu hi MNF PAC Member leh MLA nilai Ramthanmawia chuan a sawi a. Khawvel boruak inlumlet avanga petrol leh diesel man sâng zêl avângin Mizoram sorkar-in oil mana cess a lak mek chu tihtawp a hun tawh hle niin a sawi.#zabilianznews

Ramthanmawia chuan North East-ah Mizoram chu tuialhthei man sânna ber a ni tawh nia sawiin, "mipui harsatna tawh mek hi thlîrin sorkar hi a inngaihtuah nawn a ṭûl" a ti a. "Cess an lak hi ennawna, titawp turin kan phut bawk a ni," a ti.

Dawt a tlo ngai lo tih sawiin, Ramthanmawia chuan "dawt hian khawvelah hmun a chang rei ngai lo" a ti a. ZPM chu opposition an nih laia dawt hmanga mipui hruaisualah puhin, "dawt hian thlen theih chin a neih laiin thudik erawh a nung reng dâwn a, mipuiin thudik hre fiah tura beng kan dawh nasat zawk hun a herchhuak zel dawn a, kan thalai ten thudik chauh an duh hun hi tun aiin a la nasa dawn chauh a, chumi hunah chuan dikna a kal zel tur MNF-ah an lo kir leh ngei dâwn a ni", a ti bawk.#zabilianz #zabilianznews #zofatehuapzo