Hulhliap Short Stay Centre chhuak mi 27 te skill training tur hawng

#ZabilianZ May 06, 2026: Hulhliap Short Stay Centre chhuak te tana a thlawna Skill Training - Aluminium Fabrication training batch 4-na leh Assistant Electrician training batch 5-na chu nimin khan LESDE Department Secretary Dr. Lalhriatzuali Ralte-in a hawng. Tuntumah hian mi 27-in Assistant Electrician leh Aluminium Fabrication lam hi an zir dawn a ni.

Hulhliap Short Stay after care-ah tun thlengin skill training hrang hrang - assistant electrician tuna training tur nen batch 5, aluminium fabrication tuna training tur nen batch 4, food processing batch 2 leh plumbing batch 1 kalpui tawh niin, mi 168 an training tawh a. MFM Skill Training Centre, Dawrpui Vengthar-a training hawngtu LESDE Department Secretary chuan he program in a tum ber chu ruihhlongai ten an nun kalsana nun thar an neih theihna tur a nih thu a sawi.

Dr. Lalhriatzuali Ralte chuan training tur te chu nunhlui kalsana hmalam an pan zelna tur kawng te thuiin, bumboh hle mahse, tumna nghet tak neia Pathian chakna nena patlang theuh turin a sawm bawk.#zabilianz #zabilianznews #zofatehuapzo