Khawpuia tuiluan kawr tha zawk nei tura hmalakna - Mission Urban Drain - tlangzarh

#ZabilianZ May 13, 2026: Khawpuia tuiluan kawr tha zawk nei tura hmalakna - Mission Urban Drain - chu vawiin khan UDPA Minister K. Sapdanga'n a tlangzarh a, hei hian khawpui himna, thianghlimna leh hriselna a thlen an beisei thu a sawi.

UD&PA Minister chuan a kum telin Aizawl khawpui chu leimin leh mual chein a chenchilh tih sawiin, "a chhan lian tak chu tuiluankawr a mumal loh vang a ni" a ti a. Tuiluankawr a that chuan khawpui himna, thianghlimna leh khawpui hriselna thlen thei tur a nih thu a sawi.

Mission Urban Drain hlawhtlinna atan department hmalakna tawk a tih loh thu sawiin, UD&PA Minister chuan, hna thawh chhoh a nih hunah pawh mipui leh Local Council te chu duhtui turin a chah a. Tuiluankawr chu lungrem ni lova RCC-a siam a tul thu sawiin, MLA te pawh area development fund an neih te pawh zaa 80 tal hmang turin a ngen bawk.#zabilianznews

UD&PA Director Jacob Lalawmpuia'n Mission Urban Drain chu kum 2026-27 chhungin survey, mapping leh planning zawh tum a nih thu sawiin, kum 2032-33 ah he mission hi zawhfel vek tum a nih thu a sawi a. Mizoram leilung chu che awlsam tak a nih avangin kawrpui tha ramin a mamawh thu sawiin, kawr awmchhun te pawh inzawm mumallo, design pawh mumallo a nih avangin he mission hi ruahman a nih thu leh kawr te zawk te chu kawrpuia luangkhawm tura duan a nih thu a sawi.

He mission atan hian SASCI atangin Rs. vbc 61.76 hmuh mek a nih thu leh Rs. vbc 35 chu SASCI atang bawka DPR siam mek a nih thu a sawi bawk.#zabilianz #zabilianznews #zofatehuapzo