CM-in sorkar quarters luah dilna leh phalna leh Mizoram House te online-a hauhna tur system thar a hawng

#ZabilianZ May 14, 2026: General Administration Dept (GAD) enkawl Mizoram sorkar quarters luah dilna leh pekna - online hmanga kalpuina tur - quarters allotment management system (QAMS) leh state pawna Mizoram House-te online-a hauhna Mizoram House online reservation system chu vawiin khan Chief Minister Lalduhoma'n a hawng.

Quarters allotment management system chu nikum August atang khan ICT Dept-in a buaipui tan a. Mizoram House online reservation system chu Mizoram state e-Governance Society siam niin, kumin March ni 2 atang khan enchhin tan a ni a, hawn a nih hma-in dilna 2796 a lut hman a, mi 1640 te allotment pek an ni tawh tih sorkar thuchhuah chuan a tarlang.

Chief Minister chuan system thar pahnih an tlangzarh chuan mipui leh a enkawltu lam tan awlsamna a thlen dawn tih sawiin, a buaipuitute lawmthu a hrilh a. "Aizawl pawna cheng te tan phei chuan a hahdamthlak zual dawn a ni" tiin, tunlai thiamna hmanga mipui tana awlsamna siam chu a kaihhruai sorkarin a ngaihpawimawh a nih thu a sawi bawk.#zabilianz #zabilianznews #zofatehuapzo