Lungleia Printing & Stationery rama District Court building sak dilna chungchangah Bar Association nen indawrna a kal mek :IPRP&S Minister

#ZabilianZ May 21, 2026: IPRP&S Minister B. Lalchhanzova'n Lunglawn, Lungleia Printing & Stationery ram chu District Court building sakna atana inthlengpuiah Bar Association-in an dil tih sawiin, indawrna a kal mek thu a sawi.

IPRP&S Minister chuan vawiin khan Lungleia P&S ram te tlawhin Bar Association hruaitute nen pawh an sawihova. Sorkar kalphungah ram leh mipui tana thil ṭha a thlen dawn chuan department leh department ram inthleng chu a thlen ṭhin thu leh Aizawl aṭanga thutlukna siam mai chi erawh a nih loh avanga a hmuna tlawh a nih thu sawiin, District Court hmunhma leh Rahsi venga District Court ram tura ruahmante an enho bawk.#zabilianznews

IPRP&S Minister chuan P&S ram chu sorkar-in Bar Association hnenah a hlan ngei ang tih a la awm lo tih sawiin, en hova, sawihova, ngaihtuah zel a nih tur thu leh Chief Minister hnenah pawh a ṭul dan azira report thehluh a nih tur thu a sawi a. A department chana thawktute rilru leh ngaihtuahna a ṭawmpui thu leh department tan leh ram tana ṭha ber tura hmalak zel a duh thu a sawi.

Judiciary tihchak pawimawhna te, P&S tihchangtlunna tur leh tuartu leh nekchep zawk an awmlohna tur te ngaihtuah chung zela ṭha tak leh inpawh tlang taka sawiho zel ṭha a tih thu IPRP&S Minister chuan a sawi bawk.#zabilianz #zabilianznews #zofatehuapzo