MNF party-in sorkarna a chan laia bultan - Hlimen khelmual hawn a ni ta hi lawmawm kan ti :MNF

#ZabiilianZ May 21, 2026: MNF party-in sorkarna an chan laia bul an tan - Hlimen khelmual vawiina hawn a ni ta chu lawmawm an tih thu leh Hlimen khawtlang an lawmpui thu an sawi.

UD&PA Minister-in vawiina a hawn tak Hlimen khelmual chu Aizawl Smart City hnuaiah Rs. vbc 6.81 senga siam tura bulṭan a nih thu MNF thuchhuah chuan tarlangin, hetih hunlaia Dy. Chief Minister Tawnluia’n March ni 23, 2023 ah a lungphum a phum a. He khelmual siamna tura inremna chu kum 2021 December-ah siam a nih thu leh kum 2022 ah hna ṭan a nih thu an tarlang bawk.#zabilianznews

Hlimen khelmual chu bialtu MLA hmasa Prof. F. Lalnunmawia bakah Hlimen Games & Sports Association leh khawtlang hruaitu ten theihtawp an chhuahna infawkkhawm leh UD&PA Minister hlui Tawnluia hmalakna leh tumruhna zara hawn theiha puitling ta a nih thu MNF chuan sawiin, lawmawm an tih thu an sawi a ni.

MNF-in sorkarna an chan laia bul an ṭan, hawn theih mai tawh tur ropui tak tak dang pawh a la awm nual niin MNF chuan an sawi a. "Mizorama football stadium ṭha ber Durtlang football stadium, international standard Rs. vbc 22.3 hu chu March ni 17, 2026 khan hawn a lo ni tawh a. Mizo High School field khelmual, Zarkawt) leh Zemabawk khelmual leh khelmual dang dang a la awm thu an sawi bawk.#zabilianz #zabilianznews #zofatehuapzo