#ZabilianZ May 15, 2026: MHIP Gen. Hqrs-in vawiin khan AMC Corporator atana thlan tlin hmeichhiate an chawimawi a. MHIP Gen. Hqrs Preesident Lalliani'n MHIP aiawhin AMC Corporator thar hmeichhiate chu chawimawina a hlan.
MHIP-in AMC inthlan neih zawh taka thlan tlin hmeichhia an chawimawi te hi mi 9 niin - Ward no. XVI atanga thlan tlin, Dy. Mayor R. Lalawmpuii; Ward no. VIII atanga thlan tlin, Executive Corporator Christina Roluahpuii Sailo; Ward no. II atanga thlan tliln R. Lalmawipuii; Ward no. IV atanga thlan tlin Vanlalhriatrengi; Ward no. V atanga thlan tlin Dr. Lallawmkimi; Ward no. IX atanga thlan tlin B. Lalawmpuii; Ward no. XI atanga thlan tlin Helen Rualchhingi; Ward no. XII atanga thlan tlin Vanlalhruaii leh Ward no. XVII atanga thlan tlin Lalremruati Sailo te an ni.
He hun hmanpuitu MHIP Gen. Hqrs Adviser, President hlui ni bawk B. Sangkhumi'n AMC Corporator ni thei hmeichhiate chhuanawm a tih thu sawiin, general seat atanga thlan tlin hmeichhia an awm te chu hmasawnna tha tak a nih thu a sawi a. Reserved seat pawh hmeichhiate politics leh ram inrelbawlnaa an tel ve theihna kawng hawntu a ni tih hriaa ram tan leh hmeichhiate tana hmasawnna thlen tura hmang turin Corporator hmeichhia te chu a chah bawk.
Corporator atana thlan thar hmeichhia te aiawha thusawitu, Dy. Mayor R. Lalawmpuii pawhin AMC-a hmeichhia te seat hauhsak an ni chu MHIP thawhrim rah a nih thu a sawi a. Corporators-a thlan tlin hmeichhiate chuan ram leh hnam tan leh hmeichhiate chawikanna turin theihtawp an chhuah tur thu a sawi bawk.#zabilianz #zabilianznews #zofatehuapzo
0 Comments