Sorkarin Maumual ram min pek chu kum 1988-ah tih fel vek tawh a ni :Ex-MNA President

#ZabilianZ May 15, 2026: Ex-MNA President Rochungnunga'n Revenue Minister-in leilung pian tirh atanga Maumual hmun fel ngai reng renglo anga a sawi chu mak a tih thu sawiin, "Sorkarin Maumual ram min pek chu kum 1988-ah tihfel vek tawh a ni" a ti.

MNF party chhung inkhawm vawiina neihah he thu hi Ex-MNA President chuan a sawi a. "Sorkar-in Maumual ram min pek chu kum 1988-ah tih fel vek tawh a ni a, a leichhawngtu leh ruahmanna dang neitute pawhin a fellohna sawi tur an hre lo" tiin, "MNF sorkarah teh fel ngai leh tih fel ngai te tihfel leh vek a ni a, hripui avangin duh angin a felfai tluantling ta lo deuh a ni" a ti bawk.#zabilianznews

Ex-MNA President chuan tuna sorkar rorel dan leh hmalaknaah lungawi a har hle nia sawiin, "hnam sipaia lo tang tawh, nihna neih chak em em te an awm a, an batallion pawhin an hriatpuilohva hruaitu anga lo inchhal te pawh an awm mek" a ti a. MNF-in Mizo hnam tan zalenna an la sual reng nia sawiin, "kan zawh tawk leh kan mamawh tawkin Pathianin min kalpui zel a ni" a ti.

Rochungnunga chuan "zalenna kan sual kha Pathian ruat, MNF pian hma daiha Pathian thu in a sawi tawh a ni" tiin, "Bible-ah kan hmu a ni" a ti a. "Kan farnu leh fanu ten saree an kaih ve mai loh nan te, vai sumdawng lian ten min chimral loh nan te, hnamdang mihausate hnuaia kuna kan inhlawhfak mai loh nan te MNF-in zalenna kan sual kha a tul tel bawk a ni," a ti bawk.#zabilianz #zabilianznews #zofatehuapzo