Speaker-in natna hrik zawn chhuah leh enfiahna hmun thar a hawng

#ZabilianZ May 06, 2026: Natna hrik zawn chhuah leh enfiahna Agilus Diagnostic chu vawiin khan Mizoram State Legislative Assembly Speaker Lalbiakzama'n Kulikawn, Aizawl-ah a hawng.

Kum 2024-a 'Best Diagnostics Chain of The Year' leh kum 2023-a 'National Diagnostics Chain of The Year' chawimawina lo dawng tawh Agilus Diagnostics hi SRL Diagnostics tih a ni thin a. India rama diagnostic network lian leh rintlak ber zing ami niin, kum 1995 a din a ni.

Mipui tana awlsam leh man tlawm leh rintlak zawk tura ruahman niin, Agilus app leh website atangin booking tih theih ni a, test result-te awlsam takin a en theih a, an thawn nghal zel a. Natna hrik zawn chhuah leh enfiahna chi hrang 3600 chuang an neih zingah - pathology (thisen, zun, etc.), radiology (x-ray, ultrasound) leh molecular diagnostics (genetics leh cancer enfiahna) te pawh a tel.

Aizawla natna zawnchhuah leh enfiahna hmun thar hawngtu State Legislative Assembly Speaker Lalbiakzama chuan ram leh hnam hmasawn tur chuan a chhunga chengte hriselna dinhmun a tha tur a nih thu sawiin, hriselna dinhmun hriata, enkawlna tha dawn thuai chu sum tam tak senralna tur vengtu a nih thu a sawi a. Agilus Diagnostics-in Aizawl-ah branch leh sample collection point hawn belh zel an tum leh district dangah pawh hawn zel an tum avanga lawmawm a tih thu a sawi bawk.#zabilianz #zabilianznews #zofatehuapzo