PWD Minister-in kum 2017-a dawh tan Zamuang leh Bairabi inkara Teirei lei a hawng

#ZabilianZ May 22, 2026: Zamuang leh Bairabi inkara Teirei lei (bridge) chu PWD Minister Vanlalhlana'n vawiin khan a hawng.

Terei luia lei dawh thar hi NABARD loan Rs. nuai 1365.60 hmanga kum 2017-a dawh tan niin, M/s Sadguru Engineers & Allied Services Pvt. Ltd-in a dawh hna hi an thawk a ni.

Zamuang atanga Bairabi kawng hian Bairabi luh hma KM 3 velah National Highway-6 pawhin, Hachhek tlangdung chak lakna kawng pawimawh tak pakhat a ni a. National Highway-6 hian Kolasib kaltlangin Bairabi leh Aizawl thlun zawmtu NH-6 a zawm ve leh bawk.#zabilianznews

PWD Minister chuan Teirei lei hawn theih a ni ta chu lawmawm a tih thu sawiin "ZPM sorkar hnu ah lei (bridge) tha tak tak hawn a ni nual tawh" a ti a. "Mipui chhawr tangkai tur tlo leh rintlak a nih zel ka beisei a, tha taka hnathawktute enkawltu PWD hotute taimakna a fakawm takzet a ni," a ti.

Vanlalhlana chuan "'kan eiru lovang, hmasawnna hna tha takin kan thawk ang' tiiin kan intiam a, kum hnih leh a chanve chhungin thil tam tak kan ti tawh a, mipui tan thil tha kan la chhawp chhuak zel ang" a ti a. Hun kal tawhah engineer ten kawng tha leh tlo an siam thiam ta lo emaw tih tur khawpin sorkar hruaitu ten an enkawl nia sawiin, "tunah chuan kawng tha an siam thiam tih a takin kan hmu leh ta a. AMC inthlana hnehna nasa tak kan chan te kha a chhan pakhat chu kan engineer ten kawng tha taka an siam vang a ni," a ti bawk.#zabilianz #zabilianznews #zofatehuapzo