#ZabilianZ May 26, 2026: Chief Minister Lalduhoma'n "sorkar hnathawktu tha, hun vawng dik, inpe zo neih kan duh a, sorkarna kan chan rualin hma kan la nghal" a ti.

Vigilance Department-in department hrang hranga disciplinary authority-te tana ATI Auditorium-a workshop a buatsaih a hawnna ah he thu hi vawiin khan Chief Minister Lalduhoma chuan a sawi a. "Chhawrtlak loh te dapchhuak turin service review committee din vek turin kan ti a, a tul phei chuan special pension pawh pek mai ni se, kan ti" tiin, a scheme pawh an siam thu leh heng hi ram tana hna tha zawk thawh an duh vang a nih thu a sawi.

He workshop hian hnathawk tha lo leh chhawr tlak loh te chunga dan anga hmalak kawngah tichak se, sorkar hnathawk tha zawk nei turin pui se an duh thu Chief Minister chuan a sawi a. "Disciplinary authority te chu an mawhphurhnate, an hnathawh chhan leh an thawh dan tur te hre chiang turin a chah bawk.#zabilianznews

Chief Minister chuan Enquiry Officer te chu thudik chauh innghahnaa hmanga, thlei bik nei lova, tehna dik tak chauh hmang turin a chah a. Inquiry Officer ruat kawngah pawh an fimkhur tur thu sawiin, sorkar-in Inquiry Officer te, Presenting Officer te lawmman (honorarium) pawh sorkar laipui rate anga a tihsan thu leh hei hian an hnathawh an ngaihhlut zia a tihlan thu a sawi.

Vigilance Department quarterly report hnuhnungber, March 2026-a a lan danin department thenkhat ten Vigilance case an neih nual laiin Agriculture & Farmers Welfare, Animal Husbandry & Veterinary, Art and Culture, Environment and Forests, Law and Judicial, Tourism leh department dang ten NIL report an neih avangin Chief Minister chuan lawmthu a sawi a. Case nei department te pawh tan la thara, case nei lo tura inbuatsaih vek turin a ngen bawk a ni.#zabilianz #zabilianznews #zofatehuapzo