#ZabilianZ May 26, 2026: North East Cricket Development Council (NECDC)-in season liamta 2025-26 season-a Board of Control for Cricket in India (BCCI) tournament-a che tha te lawmman a hlan zingah Mizoram cricketer pali - Jehu Anderson, Jacinta Laltanpuii, Vanlalruatpuii leh Dorothy Ngurnunmawii te an tel.
Mizoram cricketer - Jehu Anderson, Dawrpui Vengthar, Aizawl chu Best Wicket Keeper in Senior Men’s ah thlan niin, season liamtaah khan Mizoram chu Syed Mustaq Ali T20 Trophy (Plate)-ah champion puiin Elite a kaipui a. Ranji Trophy leh Vijay Hazare Trophy-ah pawh Mizoram team tana thawhhlawk ber zing ami a ni.#zabilianznews
CAM Awards 2026-a Women’s Cricketer of the Year Jacinta Laltanpuii, New Chalrang - Best Batter in Women’s Under-23 atan thlan a ni a. Season liamtaah khan a captain-na hnuaiah Women’s Under-23 One Day Trophy (Plate)-ah leh Under-19 T20 Trophy (Plate)-ah Mizoram chu champpion puiin, Elite a kaipui ve ve a. Under-23 One Day Trophy (Plate)-ah hian vawi ruk khelhah run 290 siamin, century leh half century vawi khat ve ve a vawchhuak bawk.
Dorothy Ngurnunmawii , Mutthi - Best Wicket Keeper in Women’s Under-15 atan thlan niin, Women’s Under 15 One Day Trophy (Plate)-a Mizoram captain hian a kaihhruai team chu final a luhpui a, Tripura lakah hnehna a chanpui zo ta lo thung.
Heng lawmman te hi Imphal, Manipur-a NECDC 5th Achievers’ Nite-ah nizan khan sem a ni a. Mimal lawmman bakah a vawikhat nan Cricket Association of Mizoram (CAM) chuan - Senior Men’s, Women’s Under 23 leh Women’s Under 19-ah Best Team lawmman a dawng bawk.#zabilianz #zabilianznews #zofatehuapzo
0 Comments