Zonuntluangi thihnaa mawhphurtua puh mi pahnih Central Jail-ah dah

#ZabilianZ May 18, 2026: Aizawl Chanmari-a Bike leh Scooter insut avanga Zonuntluangi (23) thihnaah mi pahnih man an ni a, nimin khan Central Jail-ah dahluh an ni.

Zirtawpni kalta - May ni 15, 2026 zana Chanmari, Aizawl-a lirthei chesual avanga Thingsulthliah nula, kum 23 mi Zonuntluangi thihna chungchanga Police-in an man te hi - kum 18 mi Malsawmdawngzuala, Bungkawn Vengthar, Aizawl leh kum 26 mi Lalnunsanga, Zuchhip veng, Khawzawl, Bungkawn vengthar, Aizawla awm te niin, Police-in thu an zawhfiah hnua Court-a hruai an nih hnu ah Court thupekin Central Jail-ah dah an ni.

May ni 15, 2026 zan khan hmar lam pana tlan scooter chu Chanmari veng tawntirh lamah anmahni tawk zawnga tlan bike pahnihin suin, scooter-a chuang Zonuntluangi chu a thi a. He thil thleng chungchang hi Police chuan an chhui zo thawkhat tawh nia thudawn niin, chargesheet pawh an thehlut tawh nia thudawn a ni bawk.#zabilianz #zabilianznews #zofatehuapzo