ZPM tlinlohna - Ward 9 leh Ward 19 te ngaihthah an ni dawn lo : Aizawl Mayor

#ZabilianZ May 18, 2026: Aizawl Mayor H. Lalremtluanga'n AMC inthlan zawh taka ZPM party candidate an tlin loh na - Ward No. 9 leh Ward No. 19 te an ngaihthah bik loh tur thu a sawi.

ZPM party chhung inkhawmah he thu hi vawiin khan Aizawl Mayor thar chuan a sawi a. AMC sorkar thar lakluh nia Chief Minister leh MLA leh party hruaitu ten an telpui avanga thlamuanthlak an tih thu a sawi a. AMC hnathawkte pawh an phur hle nia sawiin, "AMC hian hmel thar a hmu dawn niin an hria a, beiseina sang tak nen min thlir a ni" a ti.

Aizawl Mayor chuan tun thla ni 11 khan Legislature party thukhawmin Chairman-ah Mayor leh Secretary-ah Roy Lalhriatpuia an ruat thu a sawi a. Tun thla vek ni 12-a Mayor kaihhruaia executive council thutkhawmah AMC officer zawng zawng an tel thu sawiin, "AMC staff ten kan manifesto an lo zir nasa hle tih kan hre thei a. Hei hi kan hmachhawpa min kaihruaitu ber pawh a ni chho dawn a ni" a ti.#zabilianznews

Sorkar Dept. thenkhat chuan khawpui hmasawnna leh mipui tana tangkaina turah thawhpuiah an sawm nghal nia sawiin, lawmawm a tih thu Mayor chuan a sawi a. AMC kalphung hrang hrang zirchiang tur leh ruahmanna siam tur study team an din thu a sawi.

Mayor chuan “kum 15 zeta upa AMC hi a kal dan a la fel tawk lo hle tih chu mipui ten kan hre chiang a, kan chaklohna te zirchianga siamtha turin theihtawp kan chhuah dawn" a ti a. "Kan service pek chhuah hrang hrang te avanga Aizawl mipuite phurrit thin hi AMC-a roreltute phurrit nihtirin; sukiang turin theihtawpin hma kan la zel dawn a ni" a ti bawk.#zabilianz #zabilianznews #zofatehuapzo