#ZabilianZ June 17, 2026: Minister of State Lalnghinglova Hmar-in a bial Aizawl West-II huam chhunga Govt. Primary School, Dinthar leh Govt. Gairigaon Primary School-a zirlai 214 hnenah school uniform pheikhawk a sem.
Aizawl West-II bialtu MLA chuan a biala veng hrang hranga sorkar primary school-ah school uniform pheikhawk chu an sem tur thu sawiin, "kan bial chhunga sorkar primary school zirlai zawng zawng ten an dawng vek ang" a ti a. Sorkar school-a lut te puihna tura sem an nih thu sawiin, "kumtharah engtinnge kan inpuih leh theih ang tih pawh kan ngaihtuah leh dawn,” a ti bawk.
Lalnghinglova Hmar chuan Mizorama zirtirtu tha ber te awmna chu sorkar school nia sawiin, "sorkar school-ah chuan trained teacher vek an awm" a ti a. Pawl hniam lamah sorkar school-a inkaltir hrehna a awm thin nia sawiin, "Aizawlah sorkar school te hi luh nan a tha tawk a ni tih hi Aizawl West II atanga hriattir kan duh" a ti.#zabilianznews
Aizawl West II bialtu MLA chuan Dinthar venga sorkar sikul hmunhma-in a zawh loh avangin zirlai pawh inlak theih loh chin a awm thu sawiin, sikul tihchangtlun lamah pawh hmalak dan a ngaihtuah tur thu a sawi bawk.
LESDE Minister ni bawk Lalnghinglova Hmar chuan zirlai nu leh pa, nitina inhlawha eizawngte chu Mizoram Building & Other Construction Workers Welfare Board (MBOCWWB)-a inziaklut turin a sawm a. MBOCWWB member fa te zirnaah hamthatna hrang hrang an ban phakah a awm thu leh MBOCWWB-a inziahluh dan te a sawi bawk a ni.#zabilianz #zabilianznews #zofatehuapzo
0 Comments