#ZabilianZ June 18, 2026: Police Modernisation Scheme atanga lei - lirthei chi hrang hrang chu vawiin khan Chief Minister Pu Lalduhoma'n 3rd Battalion MAP Parade Ground, Mualpui atangin a vailiam.
Assistance to State & UTs for Modernisation of Police, (ASUMP) atanga sum hmuh (state share telin) Rs. vbc 44.53 atanga Rs. vbc 30.45 hmangin lirthei chi hrang hrang 219 lei niin, a bak zawng chu Police thuamchakna tura hmanraw chi hrang hrang leina atana hman a nih thu Police hotute chuan an sawi.
Lirthei lei thar te chu Mizorama Police Station zawng zawng - Police Station 44-in an dawng vek dawn tih Police hotute chuan sawiin, "Outpost 15 te pawhin lirthei an kawl theih phah dawn a ni" an ti a. Battalion te, Specialised Unit te leh Police Training School te pawhin an dawng dawn nia sawiin, lirthei lei thar te chu a lo la thleng kim vek lo deuh niin an sawi bawk.#zabilianznews
Chief Minister Lalduhoma chuan kum 2017 atang khan Central sorkar-in ASUMP atanga lirthei lam chi lei a khap thu sawiin, Police ten lirthei lama harsatna an tawh chhoh thu a sawi a. Nikumah lirthei mamawhna uar taka sawi chunga action plan an thehluh thu leh Mizoram DGP Sharad Agarwal-a'n theihtawpa a bawhzui thu sawiin, "hun rei tak an lo phal tawh loh thil chu min rawn phalsak ta a ni" a ti.
Technical thila harsatna a awm avangin Police Modernisation Scheme chu Mizoramin kum 2021 atang khan a dawng tawh lo tih Chief Minister chuan sawiin, "kan sorkar-ah kan han hmu thar leh ta hi a lawmawmin a chhinchhiahtlak a, kan Home Minister leh a thawhpuite chungah kan lawm hle a ni", a ti bawk.#zabilianz #zabilianznews #zofatehuapzo
0 Comments