#ZabilianZ June 20, 2026: MNF Thalai President Robert Romawia Royte-in Chief Minister, Finance changtu ni bawk Lalduhoma chu K.Sapdanga dah hniam dan zawnga sorkar leh party kalphung pela che ah a puh.
MNF party chhung inkhawm nimina neihah he thu hi MNF Thalai President, MLA ni bawk Robert Romawia Royte chuan a sawi a. “CM Pu Duhoma hian a senior Cabinet Minister dah nil leh tihmualpho tuma a hmanhlelh avangin sorkar kalphung a buai nuai a ni" a ti.
Mizoram sorkar-in sum enkawl dan a thiam loh avangin Mizoram tâna sum sanction leh ruahman sa an ti lapse nasa hle niin MNF thalai President chuan a sawi a. MNF sorkar chhûngin sum lapse a awm lo niin a sawi thung.#zabilianznews
MNF sorkarin Covid hripui kârah hmasawnna hna a thawk nasa nia sawiin, ZPM sorkar hotute chuan kum 2 leh a chanve an sorkar hnuah pawh MNF hnathawh sa bâk hawn tur an la nei meuh lo niin Robert Romawia chuan a sawi a. "Loan tam tak puk siin ZPM sorkarin a takin hmasawnna hna an thawk tlem hle a, chuvang chuan GST collection pawh a minus chho reng a, sum lapse pawi zia hi mipuiin kan hmu chho mek a ni", a ti.
Tourism Minister hlui chuan Ropeway leh Skywalk thubuai chungchâng pawh sawiin, Tourism Minister a nih laia a hriatpuinaa MNF Legal board-in FIR an thehluh thu a sawi a. Beiseiloh takin he thila inhnamhnawiha puh zingah a tel ve nia sawiin, mak a tih thu leh eirûk a neih loh avanga he thubuai hian a dikna a phochhuah leh a rin thu a sawi bawk.#zabilianz #zabilianznews #zofatehuapzo
0 Comments