#ZabilianZ June 20, 2026: Rajya Sabha MP atana thlan thar K. Laltluangkima'n "Lok Sabha-ah MP Pu Richie Vanlalhmangaiha a lo awm tawh sa a, a ni kaihruaina hnuaiah Mizoram tan dik leh rinawm takin hnathawh ka tum a ni", a ti.
ZPM party-in Rajya Sabha MP atana thlan tlin a nih an lawmpuina hunah he thu hi nimin khan K Laltluangkima chuan a sawi a. A awm zel dan tur a la hriat theih mai loh thu leh Rajya Sabha term kallai chu July ni 18, 2026-ah a tawp tur thu sawiin, "Rajya Sabha MP nilai Pu K. Vanlalvena term a tawp chuan monsoon session-in a chhunzawm anga, chumi hunah chuan Mizoram aiawh turin Delhi lamah kan chhuk ve tawhin ka ring", a ti bawk.#zabilianznews
Rajya Sabha MP atana thlan thar K. Laltluangkima chuan Rajya Sabha inthlan chu a hahthlak hle nia sawiin, "nasa taka chhaih buai kan ni" a ti a. Rajya Sabha MP thlan hmasakah ZPM chu opposition an nih thu sawiin, "khatih laia rorellai candidate kha chhaih buai lovin tluang takin inthlanna neih a ni" tiin, "kan thil tum hi a khirh poh leh a hlawhtlinna erawh a thlum ve thung a ni" a ti.
K. Laltluangkima chuan lawmpuia thu a dawn tam thu sawiin, Rajya Sabha MP ni tura a kalkawnga a tul ang ang buaipuitu zawng zawng leh amah duhsaktu zawng zawng te lawmthu a hrilh a ni.#zabilianz #zabilianznews #zofatehuapzo
0 Comments