CM Special Package phase-I dawngtu 2255, phase 2-ah dawng tura thlan tawh sang thum chuang

#ZabilianZ Aug 13, 2026: Bana kaih (handholding) scheme phase-1 ah CM Special Package dawngtu 2255 an awm a, hemi atana sum pekchhuah zawng zawng Rs. vbc 18.33 a ni. Phase 2-ah dawng tura thlan tawh 3113 awmin, Rs. vbc 4.25 pekchhuah tura ruahman a ni a. Dilna la endik fel loh 2135 a awm mek bawk.

Handholding Scheme CEO Lalfakzuala'n a sawi danin, handholding scheme hnuaia loan pek tura thlan mi 742 awm tawhin, loan hmu tawh 482 an awm a, loan pekchhuah belhkhawm Rs. vbc 44.05 niin, loan dilna la endik fel loh 233 a awm mek bawk.

Mizoram Rural Bank-in handholding scheme hnuaiah loan pe tam berin, mi 314 hnenah Rs. vbc 23.98 a pe chhuak tawh a. State Bank of India-in mi 104 hnenah Rs. vbc 9.48 pe tawhin, Apex Bank-in mi 59 hnenah Rs. vbc 10.20 a pe tawh bawk.

Handholding scheme hnuaia loan la mi 479 te loan punna sorkar-in vawihnih rulhsak tawhin, a vawikhatnaah Rs. nuai 15, sing 9, sang 2 leh 137 pechhuakin, a vawihnihnaah Rs. nuai 96, sing 2, sang 1 leh 210 a pechhuak a. Guarantee fee Rs. nuai 14, sang 1 leh 762 pekchhuah a ni tawh niin, Handholding Scheme CEO chuan a sawi bawk a ni.#zabilianz #zabilianznews #zofatehuapzo