#ZabilianZ Aug 5, 2026: Supreme Court-in "Court kallai video leh audio te phalna la hmasa lova thehdarh phal a ni lo" a ti.
Chief Justice Surya Kant, Justice Joymalya Bagchi leh Justice V Mohana te Bench chuan court kallai video leh audio thehdarh khap chungchanga interim order sawifiahin, thuthar thehdarhtu chanchinbumi ten Court kal laia thil thleng an theh darh chu khap a nih loh thu leh Court kal lai audio leh video te erawh phalna la hmasa lova thehdarh chu khap tlat a nih thu a sawi.
Supreme Court-in interim order a chhuah hmasakah social media leh digital platform-a court kal lai recording tawi te tea lak chhuah, siam danglam, upload leh thehdarh chu thuneitu Court Registrar General phalna la hmasa lo chuan khap a nih thu tarlan a ni a. He order-ah hian hriatthiamloh nei an awm nia a lan avangin a sawifiahna a tichhuak leh ta a ni.#zabilianznews
He thubuai hi journalist pakhat Harshita Grover-i'n Court kal lai recording tawi te tea lak chhuah leh siam danglam hnu thehdarh a nih thin chungchanga kaihhruaina siam tura a ngenna a ni a. He thubuaiah hian Court kallaia thil thleng tawi te te chauh lakchhhuaha thehdarh chuan Court zahawmna leh vantlang mipuiin Court an rinna a tlakhniam phah theih thu leh rorelna dik kengkawhtu atana rin an nihna a chhiat phah theih thu te tarlan a ni.
Supreme Court-a Advocate-on-Record JC Lalnunsanga'n a tarlan danin, he thubuai hi September ni 18, 2026-ah ngaihtuah leh a ni dawn a. Thubuai thehluttu tan Sr. Advocate Vikas Singh, Advocate-on-Record Anil Kumar leh ukil dang te an ding a. A lehlam tan Sr. Advocate Sajan Poovayya leh Advocate-on-Record patum - Radhika Gautam, Kunal Chatterji leh Manisha Ambwani te bakah ukil dang te an ding thung.#zabilianz #zabilianznews #zofatehuapzo
0 Comments