#ZabilianZ Aug 7, 2026: MPCC Vice President Zodintluanga'n MHIP Gen. Hqrs-in an tih loh tur an ti nia sawiin, sorkar tlawn-ah a puh a. "Mizo pipute khan mi dawihzep, thian chhan ngam lo te chu 'pawnfen feng tlak' an ti thin" tiin, Chief Minister-in ILP chungchang a sawi dan Congress thalaiin 'dawihzep' tia pawnfen an fentir - MHIP in an dodal chu "an tih loh tur an rawn ti a, political party pakhat tlawnin khatiang kha ti tawh lo turin ka ngen duh a ni" a ti.
MPCC Vice President chuan "Pu Lal Thanhawla ka vel dawn, Bhavan ka lilam dawn, Lal Thanhawla jail-ah chaw an chhum kep titu kha engah nge kan dim anga, kan beih loh bik ang" a ti a. Pu Zoramthanga pawh 'not normal' ti duhtu chungah a thleng ve mek niin a sawi.#zabilianznews
ZPM-in eptu pawl an nih laiin a chhe thei ang ber leh dawtin sorkar an bei thin nia sawiin, an sorkar hnuah chuan 'sorkar beih chu ramhlui zia' an ti leh si niin a sawi a. "Tam tak chu chumi thangah chuan an awk a, sorkar lai an beih anga kan beih ve an hlauh vang a ni" tiin, Congress chu ZPM thanga an awh ve loh tur thu leh opposition role an play-a nasa taka an beih tur thu a sawi bawk.
Sorkar hna lak chungchang pawh sawiin MPCC Vice President chuan "Gen Z te khan lo ngaithla teh u, Congress sorkarah chuan a thiam apiang ten hna an hmu thin asin" tiin, MPSC Chairman-ah officer corrupt lo bera sawi thin H. Liansailova te Pastor tanglai Rev. Zosangliana Kawlni te an hman thu a sawi a. Party mi leh sate rilru tina khawpin Congress sorkara Minister ten hna dil kawngah tumah an sawisak ngai lo niin a sawi.#zabilianz #zabilianznews #zofatehuapzo
0 Comments